Мадриднинг "Реал" клуби келажак учун трансфер режаларини тузмоқда. Marca нашрининг хабар беришича, клубда Нидерландия АЗ жамоаси ярим ҳимоячиси Кес Смит номзоди муҳокама қилинмоқда.
"Реал" 19 ёшли нидерландиялик футболчининг истиқболларини юқори баҳоламоқда ва Смит келажак учун муҳим сармоя бўлиши мумкин, деб ҳисобламоқда. Аммо ҳозирча Кес жамоага ўтса, Мадридда ўйин амалиёти бўлмайди, шунинг учун унинг трансфери кечиктирилади.
Нуфузли Transfermarkt портали мутахассислари Кесс Смитни 5 миллион еврога баҳоламоқда. Футболчининг АЗ билан амалдаги шартномаси 2028 йилнинг ярмигача мўлжалланган.
