Marca нашри саҳифаларида якшанба куни "Реал"нинг трансфер режалари ҳақида материал эълон қилинди. Материалда қайд этилишича, ярим ҳимоячилар Родри ("Манчестер Сити") ва Адам Уортон ("Кристал Пэлас") Мадрид суперклубининг нишонлари эмас.
Шу билан бирга, манбанинг таъкидлашича, "Реал" "ПСЖ" ярим ҳимоячиси Витиньяга қизиқмоқда. Тўғри, португалияликнинг жорий ёзда Мадридга кўчиб ўтиши унинг амалдаги шартномасида кўрсатилган шартлар туфайли истисно қилинган. "Қаймоқранглилар" 2026 йилнинг ёзида Витиньяни ўз сафига қўшиб олишга уриниб кўриши мумкин.
Аввалроқ матбуотда 2025/2026 йилги мавсумдан кейин Витиньяни "ПСЖ"дан 90 миллион еврога сотиб олиш мумкинлиги ҳақида ёзишганди.
