"Росарио" клубининг аргентиналик сеҳргари Анхел Ди Мария "Ньюэлл" жамоасига қарши жарима зарбасини ажойиб тарзда амалга ошириб, яна ўз сеҳрини кўрсатди. 82-дақиқада жарима зарбасидан киритилган гол "Росарио"га ғалаба келтирди ва қирқ мингдан ортиқ мухлисларни хурсанд қилди.
"Ювентус" ва "Реал"нинг собиқ футболчиси йигирма метрларча масофадан тўпга чап оёғи билан зарба берди, рақиб дарвозабони Хуан Эспинола эса ҳеч нарса қила олмади.
Бу ўйиндаги ягона гол бўлди. Муваффақият "Росарио"га Аргентина чемпионатининг янги мавсумида учинчи ўринга кўтарилиш имконини берди.













