Мадриднинг "Реал" клуби вингери Винисиус Жуниор яна гол урди. Бразилиялик футболчи Ла Лига 2-тури доирасидаги ўйиннинг 93-дақиқасида, захирадан майдонга тушганидан 30 дақиқа ўтиб "Реал Овьедо" дарвозасини ишғол қилди. Энди 25 ёшли футболчининг ҳисобида "қаймоқранглилар" сафида 107 та гол бор - у бу кўрсаткич бўйича 2013 йилдан 2022 йилгача клубда ўйнаган машҳур Гарет Бэйлни ортда қолдирди.
Бундай натижага эришиш учун Винисиус 324 та ўйин ўтказган бўлса, Бэйл 258 та ўйин ўтказган.
Винисиус Жуниор 2018 йилдан буён "Реал" шарафини ҳимоя қилиб келмоқда. Футболчининг клуб билан амалдаги шартномаси 2027 йилнинг ярмигача мўлжалланган.













