Леверкузеннинг "Байер" клуби марказий ҳимоячиси Пьеро Инкапье Англиянинг икки гранди қизиқишлари доирасига тушиб қолди. Эквадорлик футболчи клубини ўзгартирмоқчи, бу ҳақда яқинда маълум бўлди. Bild нашри тарқатган хабарга кўра 23 ёшли футболчига айни дамда Лондоннинг "Челси" ва "Арсенал" клублари аниқ қизиқиш билдирмоқда.
Пьеро Инкапьени 60 млн еврога сотиб олиш мумкин - бу унинг "Байер" билан шартномасидаги товон пули. Ҳимоячи "доришунослар" сафида жами 166 та ўйинда майдонга тушиб, еттита гол урган ва бешта голли узатмани амалга оширган.













