"Бешиктош" "Челси" вингери Раҳим Стерлингни ўз сафига чорламоқчи.
Бу ёзда инглиз "Арсенал"даги ижарасини якунлаб, "кўклар" ихтиёрига қайтди, аммо мураббий Энцо Мареска тажрибали футболчидан умид қилмаяпти. Инсайдер Николо Скиранинг маълум қилишича, Туркиянинг "Бешиктош" клуби Стерлинг бўйича музокараларни бошлаб юборган. 30 ёшли футболчи Туркияга кўчиб ўтишга тайёрми ёки йўқ, ҳозирча номаълум, аммо у "Челси"дан кетиши аниқ.
Раҳим Стерлингнинг Transfermarkt порталидаги нархи - 10 млн евро. Миш-мишларга кўра, Лондон клуби анча кўпроқ - 20 млн фунт (23 млн евро атрофида) сўрамоқда.
