"Ливерпуль" футболчиси Федерико Кьеза ҳамон клубни тарк этиши мумкин.
Яқинда 27 ёшли вингер "қизиллар" сафида ўйнашни давом эттиришни исташи ҳақида гапирганди, аммо унинг келажаги мавҳумлигича қолмоқда. Caught Offside хабарига кўра, италиялик футболчини "Аталанта", "Милан", "Наполи", "Рома", "Интер" ва "Фулхэм" клублари ўз сафига қўшиб олиш имкониятини кўриб чиқмоқда. Бундан ташқари, "Ливерпуль" Александр Исак трансферининг бир қисми сифатида "Ньюкасл"га футболчи таклиф қилганди.
Федерико Кьеза Премьер-лиганинг янги мавсуми 1-туридан ўрин олган "Борнмут"га қарши ўйинда гол урди. Transfermarkt сайтидаги футболчининг тахминий нархи - 14 млн евро.
