"Манчестер Сити" ярим ҳимоячиси Илкай Гюндоган жорий трансферлар даврида жамоасини ўзгартириши мумкин. Тарқалган хабарларга кўра, "шаҳарликлар" бош мураббийи Хосеп Гвардиола 34 ёшли хавбекка умид қилмаяпти. Инсайдер Николо Скиранинг таъкидлашича, германиялик футболчининг хизматлари ўрта чизиқни кучайтириш бўйича иш олиб бораётган "Ювентус"га таклиф қилинган. Келишув амалга ошиши даргумон, чунки "бьянконерилар" раҳбарияти ярим ҳимоя чизиғига ёшроқ футболчини олиб келишни режалаштирмоқда. Бундан ташқари, туринликларни эҳтимолий трансфернинг молиявий шартлари қониқтирмаяпти.

Илкай Гюндоганнинг Transfermarkt сайтидаги тахминий нархи - 5 млн евро. Футболчининг амалдаги шартномаси келаси йилнинг ярмигача амал қилади.