"Manchester Siti" yarim himoyachisi Ilkay Gyundogan joriy transferlar davrida jamoasini o‘zgartirishi mumkin. Tarqalgan xabarlarga ko‘ra, "shaharliklar" bosh murabbiyi Xosep Gvardiola 34 yoshli xavbekka umid qilmayapti. Insayder Nikolo Skiraning ta’kidlashicha, germaniyalik futbolchining xizmatlari o‘rta chiziqni kuchaytirish bo‘yicha ish olib borayotgan "Yuventus"ga taklif qilingan. Kelishuv amalga oshishi dargumon, chunki "byankonerilar" rahbariyati yarim himoya chizig‘iga yoshroq futbolchini olib kelishni rejalashtirmoqda. Bundan tashqari, turinliklarni ehtimoliy transferning moliyaviy shartlari qoniqtirmayapti.
Ilkay Gyundoganning Transfermarkt saytidagi taxminiy narxi - 5 mln yevro. Futbolchining amaldagi shartnomasi kelasi yilning yarmigacha amal qiladi.
