Мадриднинг "Атлетико" клуби ярим ҳимоячиси Конор Галлахер ватанига қайтиш истагида. 25 ёшли футболчига "Кристал Пэлас" клуби даъвогарлик қилмоқда ва уни ижарага олиш имкониятини кўриб чиқмоқда. Журналист Бобби Манзининг ёзишича, хавбекнинг ўзи ёзда "бургутлар" сафига ўтиш учун очиқ.

Конор Галлахер 2021/22 йилги мавсумда ҳам "Кристал Пэлас" сафида ижара асосида тўп сурганди. "Атлетико"га футболчи ўтган йилнинг августида ўзи учун қадрдон бўлган "Челси"дан кўчиб ўтган, трансфер "матрасчилар"га 42 млн еврога тушган. Transfermarkt портали экспертлари талқинига кўра, англияликнинг айни дамдаги нархи 40 млн еврони ташкил этади.