"Комо" ҳужумкор ярим ҳимоячиси Николас Пас катта эҳтимол билан "Реал"га қайтади. Бу ҳақда инсайдер Фабрицио Романо хабар бермоқда.
Манбага кўра, "Комо" "Тоттенхэм"нинг Пас бўйича 70 миллион евролик таклифини рад этишида "Реал" раҳбариятининг ҳиссаси катта бўлган. Таъкидланишича, "қаймоқранглилар"дагилар Паснинг "Комо"да қолганидан жуда хурсанд. Манбанинг таъкидлашича, хавбекнинг 2026 йилнинг ёзида Мадридга қайтиши тобора ҳақиқатга яқин бўлиб бормоқда.
Николас Пас "Реал" тарбияланувчиси ҳисобланади. Ўтган йили "Комо" аргентиналикни "қаймоқранглилар"дан олти миллион еврога сотиб олганди.
"Комо" таркибида 20 ёшли яримҳимоячи барча мусобақаларда 37та ўйинда майдонга тушиб, еттита гол урди ва ўнта голли узатмани амалга оширди.
