Мадриднинг "Реал" клуби ярим ҳимоячиси Орельен Тчуамени жамоа ўйини ҳақида фикр юритди.
Якшанба куни "қаймоқранглилар" сафарда "Реал Овьедо"ни Килиан Мбаппенинг дубли ва Винисиус Жуниорнинг голи эвазига йирик ҳисобда мағлуб этишди (3:0).
"Тўп йўқотганимиздан сўнг уни имкон қадар тезроқ қайтариб олиш учун астойдил ҳаракат қилишимиз керак. Биз тезда тўпни қайтариб олганимизда, дарҳол олдинга югуриш ва ҳужум қилиш имкониятига эга бўламиз," - деди Тчуамени ўйиндан кейинги интервьюсида.
Мадриднинг "Реал" клуби Ла Лига турнир жадвалида "Вильярреал" ва "Барселона" билан биринчи ўринни бўлишиб турибди - учала жамоа ҳам икки турдан кейин 6 очкодан жамғарган.
