Мадриднинг "Реал" клуби ярим ҳимоячиси Орельен Тчуамени бошланаётган мавсумда жамоадан нималар кутаётгани ҳақида гапириб берди.
"Қаймоқранглилар" Ла Лигадаги иштирокини иккита ўйинда иккита ғалаба билан бошлади. Якшанба куни Хаби Алонсо жамоаси сафарда "Реал Овьедо"ни мағлуб этди - 3:0.
"Биз халқаро танаффус олдидан учала ўйинда ҳам ғалаба қозонишни ўз олдимизга мақсад қилиб қўйганмиз. Иккита ғалабага эришдик, яна бир ғалабага эришишимиз керак. Мавсумолди тайёргарлигимиз бир неча ҳафта олдин бошланган бўлса-да, биз жадал ривожланмоқдамиз. Олдинда узоқ мавсум бор, энг муҳими - ғалаба қозонишда давом этиш учун барқарор равишда юқори даражани кўрсатиш. Биз имкон қадар кўпроқ совринларни қўлга киритиш ниятидамиз," - деди Тчуамени."
Келаси шанба, 30 август куни "Реал" ўз майдонида 3-тур баҳсида "Мальорка"ни қабул қилади.
