Madridning "Real" klubi yarim himoyachisi Orelyen Tchuameni boshlanayotgan mavsumda jamoadan nimalar kutayotgani haqida gapirib berdi.

"Qaymoqranglilar" La Ligadagi ishtirokini ikkita o‘yinda ikkita g‘alaba bilan boshladi. Yakshanba kuni Xabi Alonso jamoasi safarda "Real Ovyedo"ni mag‘lub etdi - 3:0.

"Biz xalqaro tanaffus oldidan uchala o‘yinda ham g‘alaba qozonishni o‘z oldimizga maqsad qilib qo‘yganmiz. Ikkita g‘alabaga erishdik, yana bir g‘alabaga erishishimiz kerak. Mavsumoldi tayyorgarligimiz bir necha hafta oldin boshlangan bo‘lsa-da, biz jadal rivojlanmoqdamiz. Oldinda uzoq mavsum bor, eng muhimi - g‘alaba qozonishda davom etish uchun barqaror ravishda yuqori darajani ko‘rsatish. Biz imkon qadar ko‘proq sovrinlarni qo‘lga kiritish niyatidamiz," - dedi Tchuameni."

Kelasi shanba, 30 avgust kuni "Real" o‘z maydonida 3-tur bahsida "Malyorka"ni qabul qiladi.