Мадриднинг "Реал" клуби собиқ футболчиси, 2024 йилда жамоани Чемпионлар лигаси шоҳсупасининг энг юқори поғонасига кўтарилишига ёрдам берган Хоселу, Қатарда порлашда давом этмоқда. Ҳозир Хоселу "Ал-Гарафа" клубидаги иккинчи мавсумини бошлади ва бошланаётган мавсумда икки марта муҳим голлар билан жамоасига ғалаба келтирди - худди "Реал"даги каби.
Аввалига унинг клуби "Ал-Араби"ни, кейин эса "Умм Салоҳ"ни мағлуб этди. Ўтган мавсумда Германияда туғилган испаниялик футболчи клуб сафида 24 та ўйинда ўнта гол урди. Натижада "Ал-Гарафа" Қатар чемпионати турнир жадвалида иккинчи ўринни эгаллади.
