«Торино» клуби «Интер»нинг марказий яримҳимоячиси Кристьян Асллани билан шартнома имзоланганини расман эълон қилди.

Футболчи 2025/26 йилги мавсум охиригача ижара асосида ўйнайди. Шартнома қиймати 1,5 миллион еврони ташкил этади, кейинчалик уни 12 миллион еврога тўлиқ сотиб олиш ҳуқуқи ҳам назарда тутилган.

23 ёшли Асллани «Интер» таркибида 99 та ўйинда 4 та гол урган ва 5 та голли узатма амалга оширган. Албания терма жамоаси сафида эса 33 та ўйинда 3 та гол ва 2 та ассист қайд этган.