Дани Себальоснинг Мадрид клубидаги истиқболи нафақат "Марсель"нинг қизиқишига, балки мураббийлар жамоасининг нуқтаи назарига ҳам боғлиқ.
ESPN маълумотига кўра, "қаймоқранглилар" кейинчалик сотиб олиш имконияти билан ижарага беришни кўриб чиқишга тайёр, бироқ сотиш нархи камида 15-20 миллион еврони ташкил этиши лозим.
Taъкидланишича, Хаби Алонсонинг позицияси вазиятни мураккаблаштирмоқда: мураббий жамоа муносиб ўринбосар топмагунча ярим ҳимоячини қўйиб юборишни истамаяпти. Трансферлар бозорида мос ўйинчини топиш осон эмас ва айнан шу ҳолат музокараларни чўзиб юбориши мумкин.
29 ёшли испаниялик футболчи 2017 йилдан бери "Реал" сафида тўп тепмоқда.
