"Бавария" Deutsche Telekom билан 7 йилга мўлжалланган кўп миллионли шартнома имзолади.
"Бавария" ва Deutsche Telekom ҳамкорлик шартномасини 2032 йил ёзигача узайтирди. Германия чемпионлари ва Европадаги энг йирик телекоммуникация компанияларидан бири 2002 йилдан бери ҳамкорлик қилиб келмоқда.
Янги шартнома 2032 йилга келиб "Бавария" ва Deutsche Telekom ўртасидаги ҳамкорлик 30 йил давом этишини англатади. Ҳамкорликнинг асосий эътибори мобил алоқа ва телекоммуникация технологиялари, рақамли мухлислик хизматлари ва кўнгилочар тадбирлар, шунингдек, ижтимоий масъулиятга қаратилган.
Sport1.de хабарига кўра, келишув "Бавария"га йилига 65 миллион еврогача (бутун шартнома давомида 455 миллион еврогача) фойда келтиради. 2027 йилгача мўлжалланган олдинги келишув шартларига кўра, Deutsche Telekom клубга йилига тахминан 50 миллион тўлаган.
