16 ёшли Рио Нгумоа жамоаси сафидаги илк голи билан "Ливерпуль"га ғалаба келтирди.
Англиялик вингер "Ньюкасл"га қарши ўйинда (3:2) иккинчи бўлимга қўшиб берилган 6-дақиқада Коди Гакпонинг ўрнига майдонга тушди ва 100-дақиқада ғалаба тўпини киритди.
Бу футболчининг катталар даражасидаги иккинчи расмий ўйини эди. У "қизиллар"нинг асосий жамоасидаги дебютини 11 январь куни Англия кубоги доирасида "Аккрингтон"га қарши ўйинда (4:0) ўтказди.
Нгумоа 2024 йилнинг ёзида "Челси"дан "Ливерпуль"га ўтганди.













