Винисиус Жуниор ва Килиан Мбаппе Ла Лига ўйинида ирқчиликка учради.
Испания чемпионатининг 2-турида "Реал Мадрид" сафарда "Реал Овьедо"ни 3:0 ҳисобида мағлуб этди.
37-дақиқада франциялик футболчи голини нишонлаётганда, мезбонлар мухлислари трибунасидан маймун овозига ўхшаш қичқириқлар эшитилди. Шу ҳолат 63-дақиқада, бразилиялик ўйинчи майдонга тушганда ҳам такрорланди. Шундай қилиб, "Овьедо"нинг камида иккита мухлиси "Реал" футболчиларини ҳақорат қилгани маълум бўлди.
Бу ҳолатлар Movistar камералари томонидан қайд этилди ва "El Día Después" кўрсатувида намойиш қилинди.













