Миланнинг "Интер" клуби спорт директори Пьеро Аузилио "Ал-Ҳилол"дан қулай таклиф олди.
Саудия клубининг функционерга қизиқиш билдираётгани ҳақида шу ёздаёқ хабар берилганди. Журналист Альфредо Педулланинг сўзларига кўра, "Ал-Ҳилол" вакиллари жуда жиддий кайфиятда, аммо шошилмайди - улар италиялик барчасини ўйлаб кўришини кутишга тайёр.
Манбага ишонадиган бўлсак, Аузилиога катта маош - йилига 5 млн евро ва бонуслар таклиф қилинган. "Нерадзуррилар" спорт директори ҳозирча бир қарорга келгани йўқ, у ёзги трансферлар ойнаси ёпилгунга қадар кетмаслиги аниқ.
Июнь ойи бошида "Ал-Ҳилол" "Интер"дан бош мураббий Симоне Индзагини ўз сафига қўшиб олганди.
