"Манчестер Сити"нинг бразилиялик дарвозабони Эдерсон Мораэс ҳамон Истанбулнинг "Галатасарой" клуби трансфер шорт-листидан ўрин олган.

Инсайдер Николо Скиранинг маълум қилишича, Туркия топ-клуби раҳбарияти 32 ёшли футболчининг трансфери учун "шаҳарликлар"га 15 миллион евро таклиф қилмоқда. Эдерсоннинг ўзи билан турклар уч йиллик меҳнат шартномасини имзолашга тайёр, унинг маоши етти миллион еврони ташкил қилади.

Эдерсон 2017 йилнинг июлидан бери инглиз жамоасида ўйнаб келмоқда. Томонлар ўртасидаги амалдаги меҳнат шартномасининг муддати 2026 йил июнь ойи охирида тугайди. Бразилияликнинг бозор нархи 20 млн еврога баҳоланмоқда.