Спорт вазири Адкҳам Икрамов Ўзбекистон давлат спорт академияси фаолиятини намунали ташкил этишга доир тақдимот билан танишди.
Тақдимот давомида академияда профессор-ўқитувчи ҳамда спортчилар учун яратилган шарт-шароитлар, спортчиларга таълим ҳамда спорт машғулотлатини олиб боришлари тизимли ташкил этиш ҳақида маълумот берилди.
Тақдимотда спортчиларнинг спорт турлари бўйича машғулот олиб боришлари, уларни ётоқхона билан таъминланиши ҳамда бўш вақтларида ташкил этиладиган тўгараклар хусусан чет тилларини, Ўзбекистон тарихи фанларини ўргатиш ҳақидаги маълумотлар билан таништирилди.
Шунингдек, Республика олимпия ва паралимпия спорт турларига тайёрлаш маркази билан ҳамкорликда ўтказиладиган ўқув машғулот йиғинлари, спортчиларнинг овқатланиш тартиби каби масалалар юзасидан қўшимча ахборотлар берилди.
