Sport vaziri Adkham Ikramov O‘zbekiston davlat sport akademiyasi faoliyatini namunali tashkil etishga doir taqdimot bilan tanishdi.
Taqdimot davomida akademiyada professor-o‘qituvchi hamda sportchilar uchun yaratilgan shart-sharoitlar, sportchilarga ta’lim hamda sport mashg‘ulotlatini olib borishlari tizimli tashkil etish haqida ma’lumot berildi.
Taqdimotda sportchilarning sport turlari bo‘yicha mashg‘ulot olib borishlari, ularni yotoqxona bilan ta’minlanishi hamda bo‘sh vaqtlarida tashkil etiladigan to‘garaklar xususan chet tillarini, O‘zbekiston tarixi fanlarini o‘rgatish haqidagi ma’lumotlar bilan tanishtirildi.
Shuningdek, Respublika olimpiya va paralimpiya sport turlariga tayyorlash markazi bilan hamkorlikda o‘tkaziladigan o‘quv mashg‘ulot yig‘inlari, sportchilarning ovqatlanish tartibi kabi masalalar yuzasidan qo‘shimcha axborotlar berildi.
