"Ньюкасл" Душан Влаховични ўз сафига қўшиб олиш бўйича таклиф олди.
Журналист Бен Жейкобснинг Италиядаги манбаларига таяниб хабар беришича, "Ювентус" Влаховични "Ливерпуль" қизиқиш билдираётган Александр Исакка ўринбосар сифатида "ҳаккалар"га мос келади, деб ҳисобламоқда.
Турин клуби сербиялик ҳужумчини Жонатан Дэвид келганидан кейин маошдан тежаш учун 30 млн евро атрофидаги таклифларни қабул қилишга тайёр.
Таъкидланишича, "Ньюкасл" аввалроқ қизиқиш билдирганига қарамай, ҳозирча бу йўналишда олдинга силжишни режалаштирмаяпти. Шунингдек, Влаховичнинг ўзи ҳам инглиз клубига ўтишга тайёрми ёки йўқлиги номаълумлигича қолмоқда.
