"Челси" ҳужумчиси Николас Жексоннинг агенти Диоманси Камара Instagram саҳифасида ҳужумчининг трансфери яқин 48 соат ичида амалга оширилишини маълум қилди. Асосий вариантлар орасида "Бавария" кўриб чиқилмоқда.
Манбаларга кўра, мюнхенликлар футболчининг ўзи билан эҳтимолий шартнома шартлари бўйича келишувга эришган. Ҳозирда томонлар битимнинг якуний тафсилотларини муҳокама қилмоқда.
Жексон 2024/2025 йилги мавсумда "Челси" сафида Англия Премьер-лигасида 30 та ўйинда майдонга тушиб, 10 та гол урди ва 5 та голли узатмани амалга ошириб, мавсумни гол+пас тизимида 15 очко билан якунлади. "Челси" АПЛнинг ўтган мавсумида 38 ўйинда 69 очко тўплаб, 4-ўринни эгаллаганди.
