Туриннинг "Ювентус" клуби ҳимоячиси Андреа Камбьясо А Сериянинг дастлабки турида "Парма"га қарши ўйинда (1:0) қизил карточка олгани учун икки ўйинга дисквалификация қилинди.
Воқеа иккинчи бўлимда, "бьянконерлар" футболчиси билан тўп учун курашда Матиас Левикнинг юзига зарба берганида содир бўлди. Воқеа ҳакам томонидан қайд этилди ва Камбьясо тўғридан-тўғри қизил карточка олди. Ҳакам хулосасига кўра, жазо "тўп ўйинда бўлмаган вақтда рақибга зарба бергани" учун қўлланилган.
Шу тариқа, футболчи Италия чемпионатининг навбатдаги икки учрашувини – "Женоа”" (31 август) ва "Интер"га (13 сентябр) қарши ўйинни ўтказиб юборади.
