Жэйдон Санчо "Рома"га ўтмайди.
Аввалроқ, Рим клуби спорт директори Фредерик Массара "Манчестер Юнайтед" вингери вакили Эмека Обаси билан учрашиш учун Лондонга учиб келгани маълум бўлганди. "Жаллоросси" муқобил номзод сифатида "Челси"дан 19 ёшли Тайрик Жоржни кўриб чиқмоқда, унинг манфаатларини ҳам Обаси ҳимоя қилади.
Жанлука Ди Марционинг маълум қилишича, сешанба кунги учрашувда Санчо томони римликларга узил-кесил рад жавобини берган. Шу билан бирга, Жорж "Рома"га ўтишга рози - аммо ижара асосида эмас.
Италияликлар "Челси" футболчисининг тўлақонли трансферини расмийлаштиришга тайёр ва у ҳамда Лондон клуби билан келишувга эришиш устида ишламоқда. Массара Буюк Британия пойтахтида қолди ва яқин соатларда музокараларда олдинга силжишга умид қилмоқда.
