Жанлуиджи Доннарумма "ПСЖ"да яна бир неча ой қолиши мумкин.
L'Equipe хабарига кўра, дарвозабон ўзига мос вариант топилмаса, январь ойигача ҳозирги жамоасида қолишга тайёр, аммо барибир кетишни афзал кўради.
Газетанинг баъзи манбаларига кўра, яқинда "Манчестер Сити" италиялик футболчи учун 15 млн евро таклиф қилган, аммо бу етарли эмаслиги аниқ. Қайд этилишича, "ПСЖ" "бундай кичик сумма"га рози бўлмайди.
Парижликлар дарвозабони учун камида 25-30 млн олмоқчи.
"Манчестер Сити" шошилмоқчи эмас ва музокараларни қишгача кечиктириши, шундан сўнг янада камроқ сумма таклиф қилиши мумкин. Шунингдек, "шаҳарликлар" Доннаруммани 2026 йилнинг ёзида эркин агент сифатида ўз сафига қўшиб олиши ҳам мумкин.
