1998 йилда жаҳон чемпиони бўлган собиқ франциялик ҳужумчи Кристоф Дюгарри “ПСЖ” бошлиқлари назаридан четда қолган италиялик дарвозабон Жанлуижи Доннаруммани ҳимоя қилиб чиқди.
"Менимча, Шевалье ундан кучлироқ эмас. Доннарумма "ПСЖ"нинг 2025 йилдаги муваффақиятида муҳим роль ўйнади ва бу клубни яхши кўришини исботлади.
Мен ҳайратдаман. Менга клубда инсонийлик борлиги ёқади, лекин "ПСЖ"да Доннарумма учун бу умуман йўқ эди. Умуман олганда, бу ҳолат футболнинг ҳозир қандай аҳволга тушиб қолганини кўрсатади", - дейди Дюгарри.













