"Монако" марказий ҳимоячиси Вильфред Синго фаолиятини "Галатасарой"да давом эттиради.
Footmercato хабарига кўра, турк гранди монаколиклар билан 24 ёшли футболчининг трансферини 30 миллион еврога келишган. Бундан ташқари, "Монако" бонуслар сифатида яна 5 миллион, шунингдек, футболчининг кейинги сотувидан 10% олиши мумкин. Сингонинг "Галатасарой" билан меҳнат шартномаси яна бир мавсумга узайтириш имконияти билан тўрт йилга мўлжалланган.
Синго 2023 йилдан бери "Монако" шарафини ҳимоя қилмоқда. Бу вақт ичида у барча турнирларда 60 та ўйин ўтказиб, тўртта гол урди ва тўртта голли узатма муаллифига айланди.
