Эберечи Эзенинг яқинда "Кристал Пэлас"дан Лондоннинг "Арсенал" клубига кўчиб ўтиши ҳақида қизиқарли маълумотлар пайдо бўлди.
Маълумки, Эзега Чемпионлар лигасининг бошқа бир клуби "Тоттенхэм" ҳам қизиқиш билдираётган эди.
The Athletic хабарига кўра, англиялик футболчи "Тоттенхэм"га розилик беришдан олдин "Арсенал" бош мураббийи Микель Артета билан боғланган.
Шундай қилиб, у "Арсенал"га ўтиш эҳтимоли бор ёки йўқлигига ишонч ҳосил қилишни хоҳлади. "Арсенал" устози суҳбат тафсилотларини клуб директорлар кенгашига етказди, шундан сўнг улар трансфер бўйича қарор қабул қилишди.
