Фермин Лопес "Челси" қизиқиш билдираётганига қарамай, "Барселона"да қолмоқчи.
Diario Sport хабарига кўра, Лондон клуби 22 ёшли ярим ҳимоячи учун 58 миллион евро таклиф қилган. Таъкидланишича, Фермин ўз атрофидагиларга "Барселона"да қолишни ва жамоанинг асосий ўйинчисига айланишни қатъий айтган, бироқ футболчи "Челси"нинг таклифини ўрганмай туриб, уни рад этиш "масъулиятсизлик" бўлишини тушунади.
Қайд этилишича, "Челси" Ферминнинг яқин атрофидагиларга уни ўз сафига қўшиб олиш учун қўлидан келган барча ишни қилишга тайёрлигини билдирган. Хусусан, клуб таклиф қилинаётган шахсий шартнома шартларини сезиларли даражада яхшилашга тайёр.
"Барселона" бош мураббийи Ферминдан умид қилаётганини, аммо клуб хавбек кетишга қарор қилса, қаршилик қилмаслигини ва унинг ўрнига бошқа футболчи қидирмаслигини маълум қилди.
