"РБ Лейпциг" ҳужумкор ярим ҳимоячиси Хави Симонс аллақачон Лондонда бўлиб турибди. Бу ҳақда таниқли журналист Бен Жейкобс ижтимоий тармоқларда маълум қилди. Яқин вақт ичида Симонс Премьер-лига клубига ўтишни режалаштирмоқда.
Ёз давомида Симонс "Челси"га ўтишни хоҳлади, нидерландиялик ҳатто "аристократлар" билан шартнома шартларини келишиб олди. Бироқ, "Тоттенхэм" футболчи учун курашга қўшилди, музокаралар олиб бормоқда ва таклиф билан чиқиши мумкин.
Жейкобснинг таъкидлашича, 22 ёшли Симонс учун курашда "Челси" ҳам, "Тоттенхэм" ҳам фаол. "РБ Лейпциг" футболчининг трансферидан 65 миллион евродан кўпроқ ишлаб олмоқчи.













