"Барселона" ярим ҳимоячиси Фермин Лопесга ҳамон Лондоннинг "Челси" клуби қизиқиш билдирмоқда.
Diario SPORT хабарига кўра, "Челси" испаниялик футболчининг трансфери бўйича таклифни 58 миллион евродан 65 миллион еврогача оширган. Таъкидланишича, бу бонус тўловларисиз қатъий белгиланган қисмдир.
Манбанинг таъкидлашича, "кўклар" 22 ёшли Лопесни ўз сафига қўшиб олишни жуда хоҳламоқда, аммо футболчининг ўзи "Барселона"ни тарк этиш ниятида эмас.
Жорий мавсумда Лопес Испания чемпионатининг бир ўйинида майдонга тушди.













