УЕФА раҳбари Александр Чеферин А Серия ва Ла Лига ўйинларини мамлакатдан ташқарида ўтказилишига муносабат билдирди.

— Ла Лига ва А Серия ўйинларини Европадан ташқарида ўтказмоқчи. Сиз бу ҳақда нима дейсиз?

— Европа жамоалари Европада ўйнаши керак. Биз бу масалани ФИФА ва барча федерациялар билан ҳам муҳокама қиламиз, чунки менимча, бу яхши эмас. Агар бу истисно бўлса — майли. Агар бунга сабаб бўлса — майли. Лекин Европа жамоалари Европада ўйнаши керак, чунки уларни қўллаб-қувватлайдиган мухлислар Европада яшайди. Бу ажойиб анъана.

Биз бундан мамнун эмасмиз, лекин юридик нуқтаи назардан текширганимизда, кўп имкониятимиз йўқлигини кўрдик, агар федерациялар рози бўлса, биз қарши чиқа олмаймиз. Испания ва Италия федерациялари эса бунга рози бўлишган. Лекин келажакда бу масалани жуда жиддий муҳокама қилишимизга тўғри келади, чунки футбол Европада ўтказилиши керак ва мухлислар уни уйида кўриши лозим. Улар ўз жамоаларини кўриш учун Австралия ёки АҚШга бора олмайди», - деди Чеферин.