UYEFA rahbari Aleksandr Cheferin A Seriya va La Liga o‘yinlarini mamlakatdan tashqarida o‘tkazilishiga munosabat bildirdi.
— La Liga va A Seriya o‘yinlarini Yevropadan tashqarida o‘tkazmoqchi. Siz bu haqda nima deysiz?
— Yevropa jamoalari Yevropada o‘ynashi kerak. Biz bu masalani FIFA va barcha federasiyalar bilan ham muhokama qilamiz, chunki menimcha, bu yaxshi emas. Agar bu istisno bo‘lsa — mayli. Agar bunga sabab bo‘lsa — mayli. Lekin Yevropa jamoalari Yevropada o‘ynashi kerak, chunki ularni qo‘llab-quvvatlaydigan muxlislar Yevropada yashaydi. Bu ajoyib an’ana.
Biz bundan mamnun emasmiz, lekin yuridik nuqtai nazardan tekshirganimizda, ko‘p imkoniyatimiz yo‘qligini ko‘rdik, agar federasiyalar rozi bo‘lsa, biz qarshi chiqa olmaymiz. Ispaniya va Italiya federasiyalari esa bunga rozi bo‘lishgan. Lekin kelajakda bu masalani juda jiddiy muhokama qilishimizga to‘g‘ri keladi, chunki futbol Yevropada o‘tkazilishi kerak va muxlislar uni uyida ko‘rishi lozim. Ular o‘z jamoalarini ko‘rish uchun Avstraliya yoki AQSHga bora olmaydi», - dedi Cheferin.
