“Милан” ярим ҳимоячиси Ясин Адли фаолиятини Франция чемпионатида давом эттириши мумкин, дея хабар бермоқда журналист Николо Скира.
Манбага кўра, номи ошкор этилмаган икки клуб 25 ёшли франциялик хавбекка қизиқмоқда. Клублар аллақачон унинг вакиллари билан музокарага киришган.
Адли 2021 йилнинг ёзидан бери “россонерилар” сафида тўп суради. “Милан” ўша йили футболчини “Бордо”дан 9 миллион евро эвазига сотиб олганди.
Ўтган мавсумда у “Фиорентина”да ижара асосида ўйнаб, клуб сафида барча турнирларда 35 та ўйинда майдонга тушиб, 5 та гол урди ва 7 та голли узатмани амалга оширди.
