"Манчестер Юнайтед" вингер Алехандро Гарначони Лондоннинг "Челси"сига сотишга тайёрланмоқда.

Клублар ўртасида аллақачон келишувга эришилган - трансфер 40 миллион фунт стерлингга (46 миллион евро) тушади.

21 ёшли аргентиналик футболчи "қизил иблислар" томонидан сотилган энг қиммат футболчилар рўйхатида тўртинчи бўлади.

Рейтинг пешқадами Криштиану Роналду (94 миллион евро, "Реал"), иккинчи ўринда Ромелу Лукаку (74 миллион, "Интер"), учинчи ўринда Анхель ди Мария (63 миллион, "ПСЖ") бормоқда. Гарначо ҳозирда тўртинчи ўринда бораётган Дэвид Бекхэмни (37,5 миллион, “Реал”) ортда қолдиради.