"Астон Вилла" ва Англия терма жамоаси собиқ форварди Габриэль Агбонлахор манкунианликларнинг "Гримсби"дан учралган мағлубиятидан кейин "Манчестер Юнайтед"ни танқид қилди.
Рубен Аморим шогирдлари Англия тўртинчи дивизиони клубига пенальтилар сериясида имкониятни бой бериб, Англия Лига кубогидан чиқиб кетишди.
"Уят, жамоа эмас, фирибгарлар тўдаси, унда етакчилар йўқ. Жамоа шунчаки пароканда ва улар кимни сотиб олишининг аҳамияти йўқ. Футболчилар кеча кечқурун "Гримсби"га борган "Манчестер Юнайтед" мухлисларига чипта, йўл, егулик ва ичимлик учун пулни қайтариб беришлари керак," - дея Агбонлаҳорнинг сўзларини келтиради TalkSPORT.
АПЛда ҳам "Манчестер Юнайтед" мавсумни муваффақиятсиз бошлади. Улар "Арсенал"га 0:1 ҳисобида ютқазди, кейин эса "Фулхэм" билан дуранг ўйнади (1:1).
