Куни кеча "Милан" ва "Аталанта" клублари Юнус Муса трансфери бўйича келишувга эришгани ҳақида хабарлар тарқалган эди. "Россонерилар" ярим ҳимоячиси тез орада Бергамога йўл олиши керак эди, бироқ энди трансфер барбод бўлиш арафасида.
La Gazzetta dello Sport хабарига кўра, "Милан" ярим ҳимоячиси Ардон Яшарининг жароҳати туфайли клубда қолади. Италия клубининг хавбеки кичик болдир суяги синганлиги сабабли 2 ойга яқин майдонга туша олмайди. Энди "россонерилар" раҳбарияти ярим ҳимоя чизиғида кадрлар етишмаслиги сабабли Мусани сотмоқчи эмас.
Ўтган мавсумда Юнус Муса "Милан" сафида 40 та ўйинда майдонга тушиб, 3 та голли узатмани ўз ҳисобига ёздириб қўйди. Transfermarkt портали АҚШ терма жамоаси футболчисини 20 млн еврога баҳоламоқда.
