Бундеслиганинг 1-турида "Байер" ўз майдонида "Хоффенхайм"га 1:2 ҳисобида имкониятни бой берди.
Kicker саҳифаларида леверкузенликлар бош мураббийи Эрик тен Хаг ҳақида материал эълон қилинди. Унда айтилишича, нидерландиялик мутахассис Германия чемпионатининг илк ўйинидан кейиноқ диққат марказида бўлиб турибди, чунки "доришунослар" кучсиз ҳаракат қилишди ва прессинг ҳамда контрпрессинг намойиш этишмади. Тен Хагни танқид қилишга рақибга тайёргарлик кўриш, йўл-йўриқ кўрсатишлар ва ўйин давомидаги тузатишлар киритиш каби ҳолатлар ҳам сабаб бўлди.
30 август шанба куни "Байер" Германия чемпионатида "Вердер" жамоаси меҳмони бўлади.
