«Байер» раҳбарияти жамоа бош мураббийи Эрик тен Хагнинг келажагини 30 август, шанба куни бўлиб ўтадиган Германия чемпионати 2-туридан ўрин олган «Вердер»га қарши ўйин натижасига қараб ҳал қилади. Бу ҳақда Bild хабар берди.

Манба маълумотича, нидерландиялик мутахассиснинг эҳтимолий истеъфоси сентябрь ойидаги миллий жамоалар ўйинлари учун танаффус вақтида амалга ошиши мумкин. Қайд этилишича, «Байер»да «ташвиш ортмоқда». Клуб раҳбарияти жамоанинг таркиби клубининг Бундеслига етакчилари қаторида бўлиш учун етарли деб ҳисобламоқда.

55 ёшли мураббий бу ёзда «Байер»га бош мураббий этиб тайинланган эди. Германия чемпионати 1-турида леверкузенликлар «Хоффенҳайм»га 1:2 ҳисобида мағлуб бўлди.

Германия — Бундеслига. 2-тур
2025 йил 30 август, шанба. 18:30
«Вердер» (Бремен) — «Байер» (Леверкузен)