"Ливерпуль" бош мураббийи Арне Слот жамоага янги келган Милош Керкезнинг ўйинларига баҳо берди.
21 ёшли венгриялик футболчи мавсум олдидан "қизиллар" сафини тўлдириб, "Борнмут"дан кўчиб ўтди. Чап қанот ҳимоячиси мерсисайдликларнинг жорий мавсумдаги учта ўйинида, жумладан, Премьер-лиганинг икки учрашувида ҳам асосий таркибда майдонга тушди.
"Чемпионатнинг иккала ўйинида ҳам унга рақибларнинг энг хавфли футболчилари [Семеньо ва Эланга] қаршилик кўрсатишди. ["Ливерпул"даги фаолиятини] бошлаш Керкез учун қийин кечди, деб бемалол айтиш мумкин, аммо гап унинг ўзида эмас, балки жамоа сифатида бизда," - деди Слот матбуот анжуманида.
