"Милан" жамоаси бош мураббийи Массимилиано Аллегри тез орада жамоа сафини тўлдирадиган ҳужумчи Кристофер Нкунку ҳақидаги саволга жавоб берди.
"Россонерилар" "Челси" билан француз трансфери бўйича келишиб олди: келишув 37 млн евро ва бонуслар кўринишида 5 млн еврога тушади. Италия грандининг мураббийи юлдуз янги ўйинчига қандай вазифани ишониб топширишини ҳали билмаслигини тан олди.
"Мен Нкункудан қандай фойдаланишни билмайман, лекин у, шубҳасиз, катта маҳоратга эга. Ҳужумда етарлича иқтидорли футболчиларимиз бор - мувозанатни топиш муҳим," - деди Аллегри Sky Sport’га берган интервьюсида.
