"Лацио" дарвозабони Федерико Маркетти жамоасини ўзгартириш ҳақида бош қотирмаётганини маълум қилди. Бу ҳақда Sky Sport Italia хабар тарқатган. Эслатиб ўтамиз, унга "Арсенал" қизиқмоқда.
"Арсенал"нинг менга қизиқаётгани ҳақида билмайман. Ҳозир таътилдаман ва фақат дам олиш ҳақида ўйлаяпман. Бизда президент бор, нима қилишни у билади", деди дарвозабон.
Аввалроқ "Арсенал" скаутлари 30 ёшли италиялик вариантини дарвоза чизиғини мустаҳкамлаш учун кўриб чиқишгани хабар қилинганди.
Айтиш жоиз, Маркетти "Лацио"га 2011 йил келган бўлиб, шундан буён ўтган икки йил ичида у А-сериянинг энг яхши дарвозабонларидан бири бўлиб келмоқда.













