Истанбулнинг "Бешиктош" жамоаси янги бош мураббийни таништирди. Клуб матбуот хизматининг маълум қилишича, жамоани 52 ёшли туркиялик мутахассис Серген Ялчин бошқаради.

Мураббий "бургутлар" билан узоқ муддатли меҳнат шартномасини имзолади. Келишув 2026/2027 йилги мавсум якунига қадар мўлжалланган. Ялчин 2020/2021 йилги мавсумда ҳам "бургутлар"ни бошқарган.

Эслатиб ўтамиз, бир кун аввал Истанбул клуби норвегиялик Уле Гуннар Сульшернинг истеъфосини эълон қилган эди. Скандинавиялик мутахассис Конференциялар лигаси саралаш плей-офф босқичида Швейцариянинг "Лозанна" жамоасидан учралган мағлубиятдан сўнг истеъфога чиқарилди.