Франциянинг "Лион" клуби грузиялик ҳужумчи Жорж Микаутадзега ўринбосар қидирмоқда. Бу ҳақда L'Equipe нашри хабар бермоқда.
Аввалроқ маълум бўлишича, Микаутадзе бонусларсиз 30 миллион евро эвазига Испаниянинг "Вильярреал" клубига ўтмоқчи. Ҳозирда унинг ўрнига 2 нафар асосий номзод - эронлик Меҳди Тареми ва уругвайлик Мартин Сатриано кўриб чиқилмоқда, "Лион" уларни сотиб олиш ўрнига ижарага олмоқчи.
"Порту"даги 4 мавсумдан сўнг Тареми эркин агент сифатида "Интер"га ўтганди, аммо Лаутаро Мартинес ва Маркус Тюрам билан рақобатда ғалаба қозона олмади ва анча кам вақт ўйнади (1887 дақиқада 3 гол ва 9 голли узатма).
Мартин Сатриано "Ланс"да ўйнайди. Болдир суягидаги жароҳат ва хочсимон боғламнинг ёрилиши футболчининг ўтган мавсум деярли майдонга тушмаслигига олиб келди, у атиги 7 та ўйинда майдонга тушди. Ҳозир ҳам унинг тиззаси шикастланган.
