"Ноттингем Форест" "ПСЖ" ҳужумкор ярим ҳимоячиси Ли Кан Инни ўз сафига қўшиб олмоқчи. Бу ҳақда L'Equipe хабар бермоқда.
Манбага кўра, "ўрмончилар" парижликлар билан музокараларни бошлаб, 24 ёшли футболчи учун 30 млн евро таклиф қилишган. "ПСЖ" яна 30 млн еврони бонуслар кўринишида олиши мумкин.
Қайд этилишича, француз клуби раҳбарияти бу таклифга рад жавобини берган, аммо "Ноттингем Форест" таслим бўлмоқчи эмас ва кореялик футболчи учун таклифни ошириши мумкин.
Ўтган мавсумда Ли Кан Ин "ПСЖ" сафида 47 та ўйинда 7 та гол ва 6 та голли узатмага муаллифлик қилган. Миш-мишларга кўра, ёзда уни "Арсенал" ва "Манчестер Юнайтед" сотиб олмоқчи бўлган.













