Сўнгги кунларда матбуотда "Челси" "Барселона" ярим ҳимоячиси Фермин Лопесга қизиқиш билдираётгани ҳақида кўп ёзилди. Фабрицио Романога кўра, шанба кунги "Фулхэм"га қарши ўйиндан сўнг "аристократлар" Лопес учун 40 миллион евролик расмий таклиф билан чиққан.
Журналист Виктор Наварронинг ёзишича, "Барселона" "Челси"нинг Лопес бўйича таклифини қабул қилмайди.
Аввалроқ, "Барселона" Фермин Лопесни олиб қолиш истагида 22 ёшли хавбекка 90 миллион евролик қиммат нарх белгилагани ҳақида хабарлар тарқалган эди.
Mundo Deportivo нашри эса, ўз навбатида, Лопес "Барселона"да қолишни истаётгани, бироқ иккиланаётгани ҳақида ёзмоқда.
